Për krijimin e Agjencisë së Nxitjes të Investimeve të Huaja

Lloji: Ligj

Fletore Zyrtare: nr. 15, datë 2002-05-13

LIGJ

Nr.8877, datë 4.4.2002

PËR KRIJIMIN E AGJENCISË SË NXITJES TË INVESTIMEVE TË HUAJA

Në mbështetje të neneve 78, 81 pika 1 dhe 83 pika 1 të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOS I:

DISPOZITA TË PËRGJITHSHME

Neni 1

1. Objekti i këtij ligji është krijimi i Agjencisë së Nxitjes të Investimeve të Huaja, përcaktimi i

fushës së veprimtarisë, si dhe i parimeve e rregullave të për gjithshme për organizimin dhe

funksionimin e saj.

2. Organizimi, funksionimi dhe veprimtaria e Agjencisë së Nxitjes të Investimeve të Huaja

përcaktohen në statutin e saj. Statuti i Agjencisë miratohet nga Këshilli i Ministrave.

Neni 2

Agjencia e Nxitjes së Investimeve të Huaja, që më poshtë do të quhet “Agjencia”, është

person juridik publik. Emërtimi i shkurtuar i Agjencisë është ANIH.

Neni 3

Fusha e veprimtarisë së Agjencisë është:

a) nxitja, tërheqja dhe mbështetja e investimeve të huaja, në përputhje me projektet parësore të

investimit në Republikën e Shqipërisë;

b) identifikimi i mundësive për investime në Shqipëri dhe promovimi i tyre;

c) bashkëpunimi me institucione publike, financiare, organizata të biznesit dhe të

investitorëve, me qëllim hartimin dhe zbatimin e strategjisë kombëtare për nxitjen e investimeve të

huaja;

ç) propozimi i politikave dhe mbështetja e programeve dhe proje kteve në nivel kombëtar,