Lidhni jus.al me asistentin tuaj të AI

Çfarë ju duhet

• Një llogari jus.al me planin Profesional ose Studio, edhe gjatë 7 ditëve të provës falas. Shihni çmimet.
• Të hyni në jus.al një herë, për të krijuar lidhjen te Profili. Pasi e ngjitni te asistenti, nuk ju kërkohet më hyrje.
• Claude: funksionon edhe në planin falas, që lejon një lidhës të shtuar nga ju. Planet me pagesë lejojnë më shumë.
• ChatGPT: kërkon një plan me pagesë që lejon serverë MCP të shtuar nga ju, si Pro, Business, Enterprise ose Edu. Në planin falas nuk mund të shtohet. Në Plus, shihni nëse e keni opsionin te hapi 2 më poshtë.

Hapi 1: krijoni lidhjen tuaj personale

1. Hyni në jus.al me llogarinë që ka planin tuaj (Hyr) dhe hapni Profili → Lidhje personale.
2. Shkruani një emër që ta njihni, për shembull ChatGPT ose Claude, dhe shtypni Krijo lidhjen.
3. Kopjoni adresën që shfaqet, që fillon me https://jus.al/mcp/k/. Shfaqet vetëm një herë: nëse e humbni, krijoni një të re.

Krijoni një lidhje për çdo asistent (deri në 5), që ta shkëputni njërin pa prekur të tjerët.

Hapi 2: Claude

Në claude.ai ose në aplikacionin Claude.

1. Hapni Settings → Connectors (Cilësimet → Lidhësit) (në disa versione Customize → Connectors (Përshtat → Lidhësit)) dhe zgjidhni Add custom connector (Shto lidhësin tuaj).
2. Emri: jus.al. Te fusha e adresës, Remote MCP server URL (adresa e serverit MCP), ngjitni lidhjen tuaj personale. Fushat e tjera lërini bosh. Shtypni Add (Shto).
3. Në një bisedë të re, ndizni jus.al te menyja e mjeteve (+) dhe pyesni.

Në planet Team dhe Enterprise, lidhësin e shton fillimisht një pronar i organizatës.

Hapi 2: ChatGPT

Në chatgpt.com, në shfletues.

1. Hapni Plugins (Shtojcat) (chatgpt.com/plugins), shtypni + dhe zgjidhni Add custom MCP server (Shto server MCP tuajin).
2. Emri: jus.al. Te Connection (Lidhja) ngjitni lidhjen tuaj personale. Te Authentication (Vërtetimi) zgjidhni No authentication (Pa vërtetim).
3. Pranoni paralajmërimin me I understand and want to continue (E kuptoj dhe dua të vazhdoj), shtypni Create as a plugin (Krijoje si shtojcë) dhe instalojeni.
4. Në çdo bisedë të re, shkruani @ te kutia e mesazhit dhe zgjidhni jus.al. ChatGPT nuk e ndez vetë: pa këtë hap ai nuk e përdor jus.al dhe mund të kërkojë në internet.

Nëse nuk e shihni Plugins (Shtojcat), provoni Settings → Apps & Connectors → Advanced settings → Developer mode (Cilësimet → Aplikacionet dhe lidhësit → Cilësimet e avancuara → Mënyra për zhvilluesit), pastaj Create (Krijo), me të njëjtat fusha. Në Business dhe Enterprise, mund t'ju duhet leja e administratorit të hapësirës së punës.

Asistentë të tjerë

Çdo asistent që lidhet me serverë MCP në distancë (Streamable HTTP), si Claude Code, Cursor ose VS Code, pranon të njëjtën lidhje personale si adresë, pa autentikim. Në Claude Code:

claude mcp add --transport http jus <lidhja-juaj-personale>

Si ta dini se po përdoret

Gjatë përgjigjes shihni thirrjet e jus.al (search, get_act …), dhe përgjigjja citon lidhje të jus.al. Adresa e vetme zyrtare është ajo që krijoni te Profili, në jus.al. Mos përdorni serverë me emër të ngjashëm në domene të tjera: nuk janë të jus.al.

Çfarë mund të pyesni

• „Sa herë është ndryshuar Kodi Penal?”
• „Çfarë thotë Kodi i Punës për pushimin vjetor, sipas tekstit në fuqi?”
• „Gjej vendime të Gjykatës së Lartë për zgjidhjen e kontratës së punës pa shkak të arsyeshëm.”

Pyetjet shkojnë më mirë me termat që përdorin aktet. Asistenti mund të kërkojë, të hapë një akt, të lexojë nenet e konsoliduara (edhe si ishin në fuqi në një datë), të gjejë ndryshimet, të lexojë vendimet e gjykatave dhe përkthimet ekzistuese në anglisht.

Siguria, kufijtë dhe privatësia

• Lidhja personale vlen si çelës: kushdo që e ka lexon jus.al në emrin tuaj. Mos e ndani dhe mos e postoni. Nëse ju del nga duart, shtypni Shkëput te Profili → Asistentët e lidhur: ajo pushon menjëherë.
• Asistenti vetëm lexon: nuk mund të ndryshojë asgjë në llogarinë tuaj.
• Deri në 30 kërkesa në minutë dhe 1.000 në ditë për llogari.
• Çfarë ruajmë për lidhjet: Politika e privatësisë.